燒烤
星期六同團契弟兄姊妹去燒烤，踏入五月已經燒第二個烤！好勁致癌物質呀！！
出發前先去大會堂圖書館，竟然借到本「標竿人生」！！但以這本書受歡迎的情況，要標竿人生十四日才能？！
目的地是「小欖燒烤樂園」。不小心早了個站落車，之後又等了約廿分鐘才有車繼續餘中行程，但依然是最早到的一批。
入場後就不停燒，但很久都不飽（大大話話燒了三四個鐘），不知個火是否不夠熱。但個火好紅好旺，燒得很燦爛的。小朋友更燒著面包同棉花糖。肉類一反常態沒燒焦，連雞翼尖都沒事，但加工食品（丸、腸之類），照燶如儀。
原來燒野食都係極需要等待，燒塊豬扒可能要十多分鐘，但一兩分鐘吃完。至於比較快熟的丸，當三四分鐘可以吃，就更不需十秒即吃完！！
突然又覺得燒烤好不環保，既浪費食物又浪費燃料（雖則煮野食都唔用火）…而燃料的來源是樹木。
(0)