世界盃（2）
世界盃終於在兩日前結束。
竟然在決賽意大利對法國的加時期間睡著，又在完場後射十二碼前醒來。好神奇
偏偏今屆世界盃最精采的鏡頭就在加時出現
加時下半場，意大利後衛馬達拉斯不知向一代球皇施丹說了什麼，施生一頭撞落馬生心口，馬生立即應聲倒地，施生紅牌出場…
意大利繼在對德國的賽事混戰 118 分鐘後掀起高潮，再在 06 世界盃悶戰超過 64 場（計埋加時）後掀起終極高潮
呢單野疑團甚多，最垉碼有︰
- 既然明知係最後一擊，點解唔係頭頂後腳踢，再出擒拿手或學朗尼的絕招？
- 一個係土生土長意大利人，一個係係西班牙搵食的阿爾及利亞裔法國人，唔係佢地有乜共同語言？會唔會意大利文笑話係阿爾及利亞（定阿拉伯）文係粗口？
- 承上題，會唔會佢地既共同語言係廣東話…馬生以為講廣東語冇人識，點知施生唔只識，仲身體力行，唔駛出聲講個粗口
- 如果真係，只敢講不敢做的香港人應該覺得羞恥！！
我同事就估︰
馬生︰你世界盃乜都有齊，想唔想要個紅牌玩玩…抵諗 D，借個心口俾你！！
施生︰（嗤之以鼻，走開）
施生︰（突然覺得馬生言之有理，改變主意）
施生︰（身體力行做出一個香港好多人敢講，好少人敢做的動作…）
坐言不起行的港人應該覺得羞恥
(0)