無錫行
這星期要到無錫開工，昨日終於回了家，好開心
星期二準時四點起身，行動有點慢，比想像中遲了出門口，但一下樓就有的士，車程又快，結果四點八就到車站。車比預定時間早少少開，又超快，五點八就由黃崗下車。天黑黑，有班人擁上來問是否到機場，多少多少錢，好煩！
更大問題是三更半夜在大陸街頭流連，又不知治安如何。都咪話唔驚…結果冇事。準時六點半上公司車。
七點一到機場，完全不知有什麼程序，戇居居，但又順利上機。
無錫天氣麻麻，好大霧（其實唔係霧），又下雨…至於公司環境 OK，大陸班同事都好好。但三日有兩日下班沒車送返酒店，第一日要同事送。又大塞車，好唔好意思。
工作都大致順利，雖然有要做的東西未做到，但大概可以吧…
第一日在酒台店食了隻大閘蟹。一來就暗叫不妙︰如何埋手？老鼠拉龜之際，侍應姐姐來將之斬開幾分，啖啖都有瞉…不覺好食，最大鑊戇居居不記得開單！！第二日去，竟然說不能補發。又去了同事介紹的「樓上樓」，普通喇（但找不到同事介紹的「手杖麵」？！）
星期五回港，飛機誤點了…因為早了起飛，但最終遲了到達。飛機餐的飯後果竟是四粒龍眼，大開眼界。一回到家就睡（其實不知是否要回公司？）
行程都尚算順利。感恩（尤其有日是感恩節），本來以為會有好多時間讀聖經，但酒店竟然沒聖經，而在電視按來按去，加上有部 notebook，好快就一日。
明明沒時差，但都好眼訓，怪哉
(0)